Wacana Sunda CITA-CITA DADANG

Wacana Sunda

CITA-CITA DADANG

                Dadang teh geus kelas opat SD. Sakolana teu pati jauh ti imahna. Kira-kira ngan sakiloan. Lamun kasakola, Dadang mah sok ngabring genepan jeung sobat-sobatna. Ari sobat-sobatna teh Dedi, Uwen, Asep, Agus, jeung Wawan.

                Unggal balik sakola, Dadang jeung batur-baturna sok karumpul deukeut imahna. Lantaran deukeut imahna aya tanah kosong anu sok diparake mengbal. Unggal poe barudak teh song mengbalna. Lain bal karet, tapi bal plastik we. Eta ge beunang meuli ti warung Mang Kodir anu teu jauh ti imahna. Memang teu aya kacape barudak teh. Najan kitu, ari tos kadengeeun sora adzan Ashar ti Masjid mah, barudak tehsok areureun. Tuluy arindit kacai, marawa anduk jeung sarung. Di cai maranehna marandi, tuluy arindit ka masjid rek sarolat Ashar. Tempolana mah tara baralik heula, sok tuluy ngaraji dimadrasah nepi ka ampir Maghrib. Dituluykeun solat Maghrib, ngaraji deui nepi ka Isya. Sarengsena solat Isya mah, barudak teh baralik, bareng jeung kolot=kolotna.

                Memang barudak anu genepan teh nyobat dalit. Kamamana sok bareng, tara papisah. Kasakola bareng, ulin bareng, ngaji di Madrasah Bareng, malah ka Masjid oge sok bareng. Layeut dina kituna mah.

                Dadang teh resep mengbal. Mun aya siaran langsung meng bal tina tivi, Dadang mah tara kamamana, sok manco hareupeun tivi. Kitu oge mun beurang. Tapi da bapana oge sarua resep pisan lalajo mengbal. Ari lalajo mengbal teh meuni sok areuyah=euyahan, komo mun babaturannana karumpul milu lalajo. Mun kleup anu di bobotohannanameunang teh, Dadang mah sok ajrag-ajraganbari ngucapkeun “gol...gol...gol...!

                Hiji waktumah dadang nyaritaka bapana yen manehna hayang sapatu bal. Tapi can digugu ku bapana teh. Kalah pok bapana nyarita, “Rek dipake dimana sapatu balna oge pan di urang mahteu aya lapangna”. Aya ge jauh di deukeut kantor desa. Engke we geus gede, geus ka SMP. Di ditumah dideukeuteun SMP aya lapangan mengbal. Da memang di SMP anu pang deukeutnaaya di kota kecamatan. Ari lapangan mengbal teh pernahna hareupeun masjid agung kacamatan. Disebutna oge alun-alun.

                Najan ku bapana teu dipangmeulikeun sapatu mengbaloge, Dadang mah teu murugul. Manehna teu tuluy mamaksa bapana. Kaharti lebah dinyana mah da memang sapatu mengbal teh dimana dipakena. Kahiji teu aya lapangnadi lemburna mah, kaduana babaturannana oge teu barogaeun.

                Geus lila Dadang boga cita-cita hayang jadi pamaen bal. Ti kelas tilu keneh boga cita-cita kitu teh. Alesannana teh pajarkeun jadi pamaenbal mah matak sehat, bayaranana gede. Di urang oge kapan bayaran pamaenbal teh nepikeun ka ratusan juta.

                 Ceuk babaturannana, Dadang teh alus mengbalna. Manehna lumpatna tarik, bisa ngocek bola ka ditu kadieu. Padahal mah Dadang teh heunteu asup kleup mengbal. Ngan unggal poe jeung babaturanana sok marengbal di tanah kosong deukeut imahna.

                Hiji waktu, basamapag mieling poe kamerdikaan Indonesia, tanggal 17 Agustus, di kota kacamatan diayakeun pertandingan mengbal murid SD. Sakola Dadang ge miluan. Nu marengbalna ti SD Dadang mah nya manehna jeung sbat-sobatna nu limaan. Sesanamah lolobana tikelas 5. Sakleupteh aya 16 urang . Sabelas urang pamaen utama, limaan deui pamaen cadangan. Tina lima urang pamaen cadangan teh, saurang jadi kiper cadangan, nu opatan deui mah pamaen tengah. Kleup mengbal teh sok disebutkasawelasan lantaran jumlah anu maenna sawelas urang. Iwal mun salasaurang pamaen meunang kartu merah, jumlah pamaen kleup mengbal bisa kurang ti sawelas.

                Dadang ka asup pamaen utama. Da memang mengbalna alus. Malah ku guruna oge dipuji. Atuh puguhwe di puji ku guruna teh Dadang mah atoh we nu aya. Ari sababna , Dadang teh karesepna kana mengbal jeung boga cita-cita jadi pamaen bal. Muga-muga wae cita-cita Dadang teh tineukanan. Ngarah kahontal cita-cita, urang kudu ngadua jeung ikhtiar.